波爾多主迎利爾

平時一向較多關注英超西甲，但其實法甲賽場亦都好波不斷，一哥巴黎聖日門一騎絕塵不必細講，反而聯賽中游地帶就鬥得異常激烈，係禮拜日凌晨展開的多場第廿一輪法甲爭奪中，波爾多主戰利爾就實力最為接近，和味絕對夠濃。 

 

今季法甲開打至今有兩大特點，第一就係一哥巴黎聖日門與副班長特魯瓦在半程過後已經彷彿提前觸碰冠軍及降班；第二就係聯賽中游地帶七國咁亂，從第四位奈斯至第十七位蘭斯，積分差距只有單位數，而當中同分情況更加是比比皆是。至於本文主人公波爾多及利爾目前亦分列聯賽十二及十三位，積分差距亦只有1分，兩隊開季至今表現實屬伯仲之間。 

 

其實波爾多及利爾兩班波如今確實相似，不僅近況接近(前者近6仗各項賽事4勝2和、後者近6仗各項賽事90分鐘內則3勝3和)，連缺乏攻力的老毛病亦一致(兩隊隊內今季聯賽最佳射手均只入5波，其中利爾射手賓斯亞狀態相對較好，上輪聯賽有波入。)何況彼此近6次交手亦係平分秋色，今鋪戰成和局可謂呼之欲出。