快艇笑傲洛城打比话咁易

日日陪伴大家嘅NBA喺礼拜日凌晨又将有精彩好戏送畀大家，其中较为惹人关注嘅自然就系洛杉矶打比战。由于两队近年无论实力及建队思路都截然不同，志在夺冠嘅主队快艇今铺笑到最后基本无太大悬念。但为进一步证明如今洛杉矶新主人系边个，快艇是役誓要赢到尽。

随住湖人一众球星嘅隐退及离队，以新星D.罗素领军嘅佢哋如今虽然青春逼人，但战绩上却仍在交紧学费，如今与太阳嘅西岸副班长之争更加显示出他们已将目光摆喺今夏嘅选秀大会上。至于主队快艇，即使近期频频传出队内气氛不和谐嘅不利消息，但球队目前仍然排名西岸前列，而阵中三大巨头基斯保罗、B.基芬及迪安祖佐敦喺近期亦都继续交足功课。可以讲，两队如今无论心气定系实力都唔喺同一个层面上，谁胜谁负相信大家都心中有数。

另外需要特别关注嘅系，快艇近年面对湖人都毫不留情。喺过去5次战胜湖人嘅比赛中，快艇均场净胜16.8分，今仗随时又系大炒格。