黃蜂欲毒殺小牛

工作日廣大波友心情一定唔會好得去邊，但如果賽果生生性性相信都會係莫大補償，在禮拜二清早就有1場筍盤想推介畀大家，近期勢頭強到冇朋友的黃蜂將主場靜候毫無狀態的小牛來訪。

黃蜂近期狀態有幾好？如果計埋上仗主勝火箭，近期豪取七連勝的他們距離創造當地時間1999年12月3-18號至今的球隊最長連勝戰績只有一步之遙。與此同時，目前主場已經8仗不敗的黃蜂只要今仗再下一城亦將帶著耀眼紀錄排入隊史前三。而黃蜂呢排之所以有如此奪目的發揮全賴核心後衛甘巴獲加的神勇狀態，在過去七連勝當中他均場交出28.6分，投射命中率達到52.9%，同時三分球一共51中25。狀態火熱的甘巴獲加亦在採訪中稱：「我們如今只係想贏，我對於球隊如今表現感到興奮，不過我們仲有好多細節需要做得更好，希望能夠將強勢延續落去。」

與黃蜂近期的光芒四射相比，小牛呢排表現則可謂黯淡無光。而且令人感到悲觀的就在於球隊如今人員齊整，老波骨諾域斯基依然有高水準演出，但球隊連敗場數卻已經達到第五場，絲毫睇唔到逃出泥潭的希望。與此同時，當初加盟時被寄予厚望的兩大主力柏臣斯及馬菲斯發揮猶如海鮮價，無法給予球隊戰績太大幫助。而且就算係諾域斯基，在過往4次常規賽面對黃蜂時亦被限制至僅能貢獻12.8分及6.8個籃板，孤立無援的他今鋪實在無力帶領小牛攻陷夏洛特。