快艇難逃帝王魔掌

日日好似電視劇咁陪伴大家的NBA喺禮拜六繼續有好戲上演，其中呢排相當閉翳的快艇就將在上午時分出征帝王。快艇如今受困於大將受傷，表現起伏不定，今鋪要想征服睡眠列車球場確實難度甚大。

通常全明星週末過後，有希望殺入季後賽的球隊都會為門票或者更好的排位而打醒十二分精神，但有時人的一瞬間衝動行為真係會影響甚大。講緊的正係快艇明星內線B.基芬，由於與隊內工作人員發生打鬥，手部受傷的他如今復出遙遙無期，攻防兩端均實力受損兼且可堪重用之人甚少的快艇在近期終於撐唔住，近5場常規賽勝負交替出現，而壓力增大的當家控衛基斯保羅亦開始效率下降，上仗面對極為生猛的金塊就交出14中6的不合格成績單。而睇返主隊帝王，如今排名第十的他們距離西岸前八只有寥寥幾個勝場差，為重踏久違的季後賽舞臺，帝王近4仗交出3勝1負以表決心，其中所負1場對手為實力超班的馬刺，實屬非戰之罪。點解帝王近期能夠一掃頹風？控衛朗度的出色表現應記首功，他在這4仗均場交出12分、7.8個籃板及13.5次助攻的全面數據，加上內線D.卡辛斯能夠給予有力的支持，今鋪邊個贏面大相信大家都心中有數。

簡單分析完兩隊近況，相信本場盤路表現亦係各位波友所關注的重點。其實睇返兩隊過去3次交手，雙方均絕不保守，場場總得分210+的同時有2場亦順利開出上盤。而再睇遠少少，兩隊過去6次對碰有5次開出上盤，實在值得留意。與此同時，帝王在過去6次交鋒讓分盤中均處於受讓方，如今陣容不整的快艇送到上門，帝王無理由唔吐氣揚眉一次。