黃蜂笑迎「牛」宴開年

過年期間籃球賽場依然好波不斷，其中NBA係大年初二(禮拜二)早上繼續戰火連天，但精彩還精彩，有無肉食先喺重點，在下今日就揀左場黃蜂主迎公牛，希望同波友們齊齊發新年財。 

 

東岸豪強公牛都可謂喺流年不利，繼早前兩位歐洲悍將J.諾亞和N.米羅迪相繼長抖後，隊內新一哥占美畢拿亦因膝傷宣告無緣出征夏洛特，戰鬥力嚴重下降的公牛亦在近5仗常規賽輸足4場。反觀主隊黃蜂呢期勢頭上升明顯，近4仗笑納3場勝利之餘，刀下亡魂更加包括騎士及巫師此等東岸勁旅，含金量十足。其中今季強勢崛起的後衛甘巴獲加無需多提，而前鋒巴杜姆在上仗與巫師的較量中則盡顯全能本色，全場交出26分、11個籃板及9次助攻的準大三元表現，同時外線大閘基捷斯特的火線復出亦令到黃蜂近期防守力度顯著增強。 

 

其實睇返雙方在過去2015年的6次交手中亦不難發現黃蜂頗為相剋公牛，前者不僅取得4勝2負的心理優勢，而且其中3場主場賽事亦全部告捷。至於盤路表現，黃蜂同樣表現相當靚仔，喺呢6場較量中，黃蜂贏足5次讓分盤，你都咪話唔邪。今鋪一於追返手黃蜂，過個肥仔年真係話咁易。