塞爾特人恐命喪德州

前鋒李奧拿德已成馬刺新招牌。

一個星期陪足大家7日的NBA係禮拜日早上繼續有多場好戲上演，其中作為塞爾特人死忠的在下就份外關注心中主隊遠征德州挑戰奪冠大熱馬刺呢場較量。雖則雙方近況相同，但彼此整體實力卻不得不承認猶如天淵之別，塞爾特人此行實在難逃一死。

其實塞爾特人呢班波係總經理安治的呋I帷幄下目前重建勢頭喜人，其中最為成功的就係聘請到少帥史提芬斯執教，作為新一代教頭中之表表者，他如今已成為隊內最為耀眼之星。點解咁講？皆因主打NCAA式整體籃球的塞爾特人如今雖有後衛I.湯馬士、前鋒J.高達等眾多將士可供差遣，不過始終缺乏能夠一錘定音之明星戰將。而且論整體籃球，今仗對手馬刺更加係有過之而無不及，即使放眼全聯盟恐怕都無幾多球隊能夠叫板他們。與此同時，塞爾特人如今極為倚重外圍投射，簡直算係球隊爭勝的生命線。但問題就在於馬刺恰好相當善於外圍防守，睇返過往5場常規賽，他們只有1場讓對手三分命中率超過三成五，以全能前鋒李奧拿德為首的外圍防守群實在令人恐懼。

至於投注心水方面，雖然塞爾特人如今極其強調攻防速率，但球隊防守能力絕對有保證，他們過去5場賽事有4場將對手得分限制係100分之下。而仍處於磨合階段的馬刺如今進攻能力未夠穩定，但防守功架卻依舊值得稱道。兩隊今鋪交手預期將會係一場防守大戰，參考彼此近來都開下盤較多，今仗重鎚下盤值得考慮。