宾菲加发「维」话咁易

对于开季至今8轮葡超仅得1胜嘅艾维斯嚟讲，为避免过早陷入降班泥潭嘅佢哋当然希望能够尽快重返正轨。不过好可惜，艾维斯主场拥趸嘅欢声笑语恐怕仲要过多排先听得到。皆因佢哋嚟紧下礼拜一凌晨将会迎战成肚火嘅豪门宾菲加，主队艾维斯确实危危乎。

由于过去3轮联赛仅录得胜和负各1场嘅平庸战绩，导致宾菲加如今落后榜首波图已达5分，若想完成卫冕大业，前者如今实在不容有失。幸好宾菲加今仗终于迎嚟赢波良机，皆因对手艾维斯今季升上葡超之后，明显唔适应葡超赛场嘅强度，故8轮联赛过后仅手握6分嘅佢哋如今已经徘徊喺榜尾。而且与宾菲加有O.庄拿斯呢位几乎轮轮有波入嘅稳定射手相比，艾维斯如今更多只能依靠「打游击战」搵食，可担重任之人少之又少，今铺确实冻过水。

虽然今仗赛事胜负悬念不大，但宾菲加近期盘路表现却实在令人失望，是役实在不得不防赢波输盘嘅陷阱。不过如果话想串返条过关飞嘅话，宾菲加WIN则势必会系铁胆好选择。