波图强势冇得「亭」

国庆&中秋假期将至，欧洲唔少联赛都适时预备咗榜首大战嘅戏码供波友观赏，而葡超亦都唔例外。喺嚟紧嘅下周一凌晨，分别排名葡超积分榜头两位嘅波图及士砵亭将会上演一场遭遇战。不过由于主队士砵亭呢排势头持续下滑，比赛随时会变成一边倒。

为重夺失落已久嘅联赛桂冠，大家都估到波图今季会蓄势待发，但开季至今7轮联赛豪取21分嘅佳绩亦确实超出咗外界嘅预期。喺又一位锋线「优质出品」阿布巴卡嘅领军下，波图均场联赛攻入2.71波嘅进攻火力即使放眼全欧洲亦都名列前茅。虽然客军波图如今恶到冇朋友，但其实主队士砵亭开季表现亦都绝不失礼(头7轮联赛取得6胜1和)。不过受累于班底始终未算厚实，士砵亭喺近来三线作战嘅夹击中已经显得顾此失彼(近3仗各项赛事未尝1胜)，相反波图近来则继续高歌猛进，呢场榜首大战走势可谓呼之欲出。

至于盘路方面，士砵亭开季至今盘路表现喺葡超几乎垫底，加上近况亦未如人意，喺目前澳彩亚洲让球盘为本场比赛开出平手盘之际，追返注对家波图可谓系不二之选。如果话想串返条过关飞，相信波图亦都系铁胆嘅好选择。