西维尔笑迎马拉加

由于西甲巨无霸皇马喺开季随即出师不利连连失分，导致堪称万年不变嘅西甲积分榜前三把交椅喺战罢6轮嘅情况出现咗新面孔-西维尔。不过单纯靠其他队伍出错系唔足以暂列三哥位置嘅，西维尔喺开咧至今嘅表现亦确实值得称道。而喺嚟紧嘅礼拜六晚上，誓要进一步追近身前两强巴塞及马体会嘅西维尔将会再次出击，而对手则为状态差到冇朋友嘅马拉加，前者今铺绝对有望为主场拥趸奉献一场入波盛宴。

西甲6轮过后，马拉加彷佛已经闻到一丝降班嘅危险气息。皆因除咗艾拉维斯悉数落败1分未得外，仅凭藉上轮联赛迫和毕尔包攞到1分嘅马拉加目前排名尾二，状态实在令人担忧。与此同时，相比主队西维尔主场一向够恶，马拉加暂时则喺西甲作客积分榜垫底，后者今铺想要爆冷攞分嘅希望可谓再度降低。再睇返西维尔，虽然联赛不败金身喺上轮被马体会打破，但球队随即喺本周中欧冠赛场攞马里博尔嚟祭旗，其中射手宾耶达更加大演帽子戏法，脆过威化饼嘅马拉加后防线是役想要阻挡佢恐怕难度甚大。另外，与兵多将广嘅西维尔唔同，本身可用人手已经少之又少嘅马拉加今仗更加有中场大将古斯曼奴域被罚坐波监，此番西维尔之行结果如何已经基本可以盖棺定论。

至于盘路方面，由于西维尔踢法一向进取，而马拉加开季至今防线表现之差亦无需多讲，加上双方过去3次交手总入球数最少都有3波，今铺大力支持上盘绝对系明智之选。同时如果话想串返条过关飞，西维尔亦势必会系铁胆好选择。