波图赢波不「费」力

葡超争冠有几难?睇下29轮联赛过后就输过1场嘅波图目前仍暂居联赛次席就可以充分感受到。而喺今季联赛即将落下帷幕之际，波图要想重夺冠军宝座就绝不能有所差池。嚟紧礼拜一凌晨主迎目前大打风流波嘅费伦斯一战，波图志在必得。

波图今季联赛虽然输波少，但同英超豪门曼联一样，太多无谓嘅和局导致球队频频失分。而目前手握68分嘅佢哋暂时落后一哥宾菲加3分，喺联赛尚有5轮嘅情况下，形势未算绝望，但除咗要期待宾菲加犯错之外，波图自身亦要争气，否则争冠无从谈起。至于客军费伦斯，由于佢哋已经基本无降班之危，所以今季余下联赛只系例行公事。此番面对求胜心切嘅波图，正所谓「凡事留一线，他日好相见」，费伦斯今铺或将送个顺水人情。

至于人脚上，虽然波图本轮有中场大将巴谦美被罚坐波监，但锋线杀手迪坚奴近期状态明显复苏(连续2轮联赛有波入)，故攻击火力冠绝葡超嘅波图确实无需担心食糊问题。不过令人意外嘅系，两队过去几年嘅交手都系出现下盘居多，喺目前澳彩上下盘开出3/3.5嘅中介线之际，追返注下盘绝对系明智之选。