艾克马亚碰川迪和味浓

为人处世，最紧要就系以和为贵；而喺球场上，和气收场亦绝不少见。喺嚟紧嘅礼拜日凌晨就有一场和味十足嘅荷甲赛事想推荐畀大家，目前分列积分榜第六及第七位嘅艾克马亚和川迪将在前者主场碰面。由于双方无论今季整体定系近期发挥都较为接近，一场预料之内嘅标准盘和局实在机不可失。

论近况，主队艾克马亚(近6轮联赛胜和负各2场)及川迪(近6轮联赛2胜1和3负)算系难兄难弟；而论今季整体表现，两队如今分列荷甲第六、七位，分差只有1分(艾克马亚46分、川迪45分)，实属不相伯仲。再论心态，川迪已经被剥夺欧战资格，而艾克马亚就基本锁定进入争夺欧霸杯资格附加赛嘅一张门票，争胜欲望注定唔高。从种种因素去睇，今铺开出和局基本系八九不离十。

不过需要留心嘅系，两队踢法皆绝不保守，而且双方阵中两大射手W.维格贺斯和E.乌奴都具备足够嘅门前威胁度。加上彼此最近6仗各项赛事交手中就出现两次2比2嘅和局，因此今仗追多注2比2嘅波胆随时有惊喜。