士砵亭亚盘「博」得过

正所谓做人一定要信，无论情况有几咁艰难，毕竟未到最后永远都唔知赢家系边个。而呢个道理亦同样适用于葡超劲旅士砵亭身上，皆因佢哋目前仍有一线争标希望，为延续呢个信念，礼拜日凌晨主迎博维斯塔一战可谓系不容有失。

睇返目前葡超形势，士砵亭目前27轮过后手握57分暂列积分榜第三，落后一哥宾菲加有8分，喺如今联赛仅余7轮嘅情况下，争标形势已经相当严峻。不过严峻并唔等于无可能，而士砵亭近期亦用一波7轮联赛豪取19分嘅强势表现证明自己永不放弃嘅态度。与此同时，客军博维斯塔目前则紧守喺联赛中游地带，基本处于高不成低不就嘅尴尬局面，余下联赛好大可能会成为例行公事。此番面对求胜心切嘅士砵亭，博维斯塔送个顺水人情亦合情合理。

另外，考虑到士砵亭进攻火力一向强横，而今季好大机会成为葡超金靴嘅射手巴斯度斯近期状态亦值得信赖。即使目前澳彩亚洲让球盘开出士砵亭主让球半嘅盘口，但状态大勇嘅佢哋今铺依旧有力赢波赢盘。