圣日门亚盘抵「锡」

联赛上半程表现一度令人失望嘅法甲班霸巴黎圣日门终于强势返嚟喇!从上年年底开始已经保持各项赛事16场不败嘅佢哋目前距离联赛一哥摩纳哥只有3分差距，为尽快登上皇位，嚟紧礼拜六深夜主迎弱旅南锡呢个大好抢分时机，圣日门自然唔会错过。

对于今仗需要出征巴黎嘅南锡而言，不利因素真系接踵而至，首先连续5轮联赛不胜(1和4负)嘅状态已经令人担忧。与此同时，南锡喺呢5仗赛事当中竟然均食白果，而喺联赛战罢27轮嘅情况下，佢哋已经出现16次零入波，攻击力如何相信大家都心中有数。至于主队圣日门，得益于球队班底够厚，佢哋喺进入2017年之后仍能够游刃有余咁应付四线作战。但碍于上半程联赛失分太多，暂列第二嘅圣日门目前不仅距离领头羊摩纳哥仍有1场波嘅差距，同时身后嘅奈斯亦系虎视眈眈，静待前列球队犯错。因此联赛已经9轮不败嘅圣日门本轮战意之高实在无需多讲，毫无争胜本钱嘅南锡今铺巴黎之行注定死路一条。

至于盘路方面，虽然圣日门喺最近3次亚洲让球盘开出让球半/两球或以上嘅盘口时均输盘收场。但卡云尼和卢卡斯摩拉等一众攻击手近来发挥都可以交到功课，加上客军南锡近期亦系弱不禁风，即使澳彩目前亚洲让球盘开出圣日门主让两球/两球半嘅盘口，各位波友亦不妨对其投信心一票。