富力主迎权健和波格

由于近年不断出现土豪球会大开水喉，众多知名球星嘅来投亦令到中超戏味大增。而今季渴望大展拳脚嘅升班马天津权健喺赛季首轮就将迎嚟硬仗，皆因并非善男信女嘅广州富力将喺礼拜六下午坐镇羊城恭候佢哋嘅大驾光临。

有时候，有钱真系能使鬼推磨，喺啱啱过去嘅呢个转会期，屋企夹万深不见底嘅权健就相继引入射手柏图、中场韦素、王晓龙、王永珀和后卫杨善平等中内外高质素新援，加上队内本身已经有古华尼奥和孙可等攻击手压阵，权健一旦磨合成型绝对唔简单。但因为今季中超对于外援使用上临时颁布咗新嘅限制(每场上阵人数最多3人，不分亚洲外援和非亚洲外援)，如何用兵想必会令今铺重返羊城嘅权健主帅简拿华路(曾执教广州恒大)大感头疼；至于主队富力，虽然中场核心汪嵩日前被江苏苏宁重金撬走，但一向务实嘅佢哋亦一早已经购入中场好手祖利亚乌亚素，加上沙希域、姜至鹏和连拿天奴等攻防重心球员均继续留效，富力如今实力亦绝对不容小觑。不过值得留意嘅系，由于越秀山体育场目前仍处于整修当中，因此富力今仗需要移师广东省人民体育场作主场，场地熟悉度势必大打折扣。

至于投注策略方面，鉴于两队今仗皆势必更多会以试探为主，何况彼此实力亦较为接近，一场和局可谓呼之欲出。而如果想话串返条过关飞，今铺推和亦势必会系铁胆之选。