哈德斯菲尔德添「丁」在望

要论目前英冠风头最劲嘅队伍，相信已经连续6轮不败嘅雷丁绝对有资格出声。但佢哋嘅喜悦之情恐怕会喺礼拜三凌晨烟消云散，皆因到时雷丁将需要走访状态更加如日中天嘅哈德斯菲尔德，呢个作客之旅注定难行。

哈德斯菲尔德近期有几恶？首当其冲嘅当然就系过去5轮联赛攞足15分，而且过去13轮联赛仅得1败；与此同时，佢哋日前喺英格兰足总杯第五圈更加主场迫和粒粒皆星嘅曼城，成功博到重赛机会。而且要论攻击力嘅话，哈德斯菲尔德从1月下旬至今嘅火力亦相当令人满意，因为喺过去5轮联赛当中佢哋一共攻入12波，一改此前进攻端发挥唔稳定嘅毛病。相反雷丁今季主客场演出差异甚大，过去3仗联赛作客仅取得胜和负各一仗嘅平庸战绩之余，城门亦被五度攻陷，今铺想要阻挡以射手卡真加为首嘅哈德斯菲尔德攻击群实在无疑系痴人说梦话。

至于投注策略方面，鉴于双方过去6次交手均大都出现大手笔交易，近期火力十足嘅哈德斯菲尔德今铺亦势必唔会令追捧上盘嘅波友失望；而如果想求稳，哈德斯菲尔德嘅标准盘亦都系不二之选。