里昂出征「吉」星高照

作为又一个失败嘅曼联7号接班人，如今转战法甲赛场期望获得重生嘅攻击手迪比嘅一举一动其实仍然惹人关注。而初来报导随即有好表现嘅佢喺嚟紧礼拜六深夜就又有机会为新东家里昂立功，皆因对手吉英坎近况低迷，恐怕无力阻止主场遭迪比洗劫。

对于客军里昂嚟讲，今铺出征有一个好消息同一个坏消息。坏消息当然就系中场指挥官华贝拿今仗将会因伤缺阵；而好消息就系冬季重磅新援迪比已经迅速融入全队，呢位荷兰攻击手更加喺上轮面对南锡嘅联赛中后备攻入个人法甲处子球，本轮赛事喺有大将缺席嘅情况下，迪比绝对有望担正。相反对于主队吉英坎而言，球队如今就可谓处于愁云惨雾当中，皆因佢哋已经连续6轮联赛不胜，而且近几年面对里昂又系输多赢少。加上里昂目前正为冲击三甲位置训身抢分，吉英坎今铺主场真系输少当赢。

睇返盘路方面，目前澳彩亚洲让球盘仅开出里昂客让半球嘅笋盘，真可谓系手快有手慢无；与此同时，考虑到双方近年交手多数都系大手笔交易，今铺追多注上盘相信都袋袋平安。