艾美利亚摆阵迎战加泰

周五深夜，西乙第二十轮率先展开两场争夺，其中排名联赛末流嘅艾美利亚将坐镇主场迎战有望争得一席升班资格嘅加泰。虽然艾美利亚近期表现起伏不定，但球队还是具备一定嘅主场战斗力，即使今仗主场面对来势汹汹嘅加泰，艾美利亚依然有力保住1场和局。

虽然骤眼望落去，艾美利亚近6轮联赛只斩获2胜1和3负嘅飘忽战绩，但系佢哋今季联赛主场表现确系唔惹少。喺古基干沙利斯与安东尼奥呢两位攻击手(合共射入10个主场入球)嘅带领下，艾美利亚赛季至今主场取得5胜3和1负，球队近期更加豪取主场四连胜兼且全部赢盘。再者，艾美利亚近3次主场面对加泰攞到2胜1和嘅不俗战绩，当中更加未输过盘，由此可见，艾美利亚今仗主场出击绝对唔会轻易畀加泰胡作非为。

加泰近5轮联赛攞到13分，球队排名亦一举跃升到第三位，如今只落后联赛次席嘅杰罗纳2分，球队仲系有机会喺排名上继续攀升。只不过加泰嘅作客表现与主场相比简直大相径庭，球队主场胜率达到60%，反观作客胜率只有22.22%。另外，加泰虽然近期进攻端表现回勇，但系佢哋均场联赛作客仅攻入0.89球嘅攻击力就显得相当疲软，阵中联赛作客入球最多嘅佐治摩连拿都只系得2球进账。即使如今阵中球员士气高涨，但加泰本轮出征依然胜算不足，球队能够带走1分已经完成任务。