鸭巴甸放心去「马」

喺职业赛场，相信每位球员都有冠军梦，但对于规模有限嘅中小型球会而言，生存与稳定却往往价值更高。正所谓山珍海味食得多都会厌，今日笔者讲苏超就一于转下目光，睇返场喺礼拜六凌晨上演嘅平民对决，马瑟韦尔主迎不怀好意嘅鸭巴甸。

由于实力雄厚嘅些路迪近年喺苏超一枝独秀，因此对国内联赛冠军近乎绝望嘅其余所有球队自然希望能够登上二哥位置，感受下一人之下万人之上嘅滋味。咁对于鸭巴甸而言，球队过去两个赛季都可以达到呢个高度，今季自然想食过翻寻味。但由于浴火重生嘅格拉斯哥流浪嘅出现，手握28分嘅鸭巴甸目前只能排名联赛第三，打少1场嘅情况下更加落后二哥格拉斯哥流浪达7分，再加上身后追兵又穷追不舍，此番挥军接近一个月时间未知联赛胜利为何物嘅马瑟韦尔，鸭巴甸绝对唔会允许自己再犯错。

虽然鸭巴甸阵中缺乏星级战将压阵，但球队胜在攻击点够多，开季至今有多达12位球员贡献过入波。与此同时，鸭巴甸目前攻击力亦名列苏超前茅，可见由射手J.希耶斯领衔嘅平民锋线绝不简单。加上两队过去6次交手都踢得相当开放，目前澳彩上下盘中介线为2.5/3，如此良机真系手快有手慢无。