拉斯彭马斯一波够「侯」

成日话豪门赛程密到无朋友，但其实身处欧洲主流联赛嘅小型球会都一样有咁嘅烦恼。就好似拉斯彭马斯同侯尔斯卡咁，呢头先啱啱应付完一轮西班牙国内联赛争夺，嚟紧礼拜三凌晨又有西班牙杯第四圈次回合赛事杀到埋身，你都咪话唔攰。

其实杯赛赛事好讲球队嘅心态，正如客军侯尔斯卡，如今屈身于西乙嘅佢哋由于过去5轮联赛仅得1胜，导致目前距离直接升班区域已有6分差距，因此侯尔斯卡目前仲会投入几多热情落去西班牙杯真系大家心照。与此同时，虽然睇返双方首回合较量，拉斯彭马斯明显喺阵容上有所保留，但如中场靴兰和前锋艾斯杜巴等平时较少登场嘅球员亦一样交足功课，替球队喺侯尔斯卡主场带走1场2比2嘅和局，其中2个作客入波更加算得上价值连城，将晋级主动权牢牢握喺手中。

至于投注心水方面，目前澳彩亚洲让球盘开出拉斯彭马斯主让半/一嘅盘口，执返半个盘应该都算实食无黐牙。而考虑到拉斯彭马斯过去6次各项赛事面对侯尔斯卡有3次开出半场1比0，因此今铺不妨再追多注前者上半场标准盘。