川迪誓破鸿门「燕」

寒流闻说即将杀到，而欧洲一众联赛亦转眼间嚟到11月份，其中年年都得一两队早早带前嘅荷甲喺今季更加可谓反传统，11轮过后积分榜前列份子咬得相当紧。咁喺冷风将至之时，在下亦有一场冷味十足嘅礼拜日凌晨赛事推介畀大家，主角分别为主队PSV燕豪芬与不怀好意嘅川迪。

冇睇PSV燕豪芬近期联赛5轮不败，其实有追开佢哋嘅波友应该知道球队如今实在系有苦自己知。点解咁讲？因为喺过去大半个月时间中，PSV燕豪芬基本保持住3-4天一赛嘅节奏，赛程密到冇朋友之余，球队战绩亦都因此受到拖累(荷兰杯止步第二圈、欧冠杯分组赛提前两轮出局，将与罗斯杜夫争夺一席欧霸杯资格)。更加令人担心嘅喺，PSV燕豪芬今季联赛至今主场表现远逊于作客(主场5战2胜、作客6战5胜)，今铺主场告急绝非危言耸听。反观客军川迪，球队今季表现一扫过去两季嘅颓靡，而且目前暂列联赛第六嘅他们更加要同英超豪门曼城讲声多谢，皆因阵中三位曼城借将施连拿、E.乌奴、Y.耶保亚喺开季至今均有出色发挥，其中呢三位攻击手合共联赛入球数更加占球队总入球数六成有多，面对如此生猛嘅攻击组合，PSV燕豪芬都咪话唔闭翳。

至于盘路方面，澳彩亚洲让球盘目前开出PSV燕豪芬让球半/两球嘅盘口，虽然川迪喺双方过去5次交手遭遇全败，但纪录一直都系攞嚟打破，破咒心切嘅川迪今铺肯定会趁佢病攞佢命。同时考虑到双方过去交锋基本上都系大手笔交易，是役再追多注上盘实属明智之选。