墨西哥笑迎加拿大

射手J.靴南迪斯盼繼續為墨西哥保駕護航。

球風相當華麗的中北美洲勁旅墨西哥於禮拜三上午將繼續在本洲世界盃外圍賽分組賽中出擊，今鋪坐鎮主場的他們將再迎日前手下敗將加拿大的挑戰。兩隊實力根本唔係同一層次上，A組一哥墨西哥今仗再添3分簡直實食無黐牙。

目前係A組當中，墨西哥表現猶如天神下凡，3戰過後全取9分之餘，入8波兼且保持清白之身足以證明他們在該組當中究竟有幾咁鶴立雞群。畢竟對於堪稱中北美洲Icon的墨西哥而言，同組當中的加拿大、薩爾瓦多及洪都拉斯實在難稱攔路虎。而墨西哥真正的考驗恐怕將在外圍賽第五圈。

其實墨西哥與加拿大在日前已經有過一次交手，憑藉今季在德甲浴火重生的射手J.靴南迪斯帶領下，前者輕鬆取得1場3球大勝，彼此實力差幾遠相信大家都心中有數。加上睇返加拿大今期大軍名單，前中後三線皆缺乏星級戰將壓陣，今鋪想要在墨西哥地頭報一箭之仇恐怕亦只係得啖笑