亞泰恐命喪羊城

聯賽開局隨即陷入困境的中超班霸廣州恆大將在禮拜六晚上迎來反彈的好機會，訪客長春亞泰實力未見突出，急需3分的前者今鋪有望主場得償所願。

筆者幾時都話，職業賽場其實並無多少人情味存在，一切皆以成績行頭。就好似恆大教頭史高拿利，上季帶隊站在亞洲之巔時可謂備受萬人敬仰，但新球季開始便在亞冠及聯賽雙線落敗導致質疑聲不斷。幸好在史高拿利最為彷徨之際，實力平平的長春亞泰適時出現。並非在下睇少長春亞泰，但該隊星味不足，首輪聯賽表現亦無閃光之處，碰上急需繼續證明自己的射手積遜馬天尼斯為首的恆大攻擊群，長春亞泰後防線相信辦法唔多。

順帶一提，在經歷連續3仗非主場各項賽事後，恆大今仗可以回歸羊城大本營，體能狀況肯定有所提升。不過雖則恆大成班波質素無需多講，但球隊今鋪狀態係咪可以即刻顯著提升實在充滿疑問，在過去5次與長春亞泰交手輸足4次盤的情況下，大家今鋪實在需要留意贏波輸盤的可能性。