波圖揮軍盼食「伊」面

波圖射手阿布巴卡急需重拾狀態。

葡超一向強弱分明，爭冠集團始終離唔開士砵亭、賓菲加及波圖三強，但受累於近期堪稱魔鬼之賽程，波圖已經漸漸在爭冠道路上被拉開身位。而在禮拜日凌晨，波圖將再度出擊與實力平庸的伊斯托里爾過招，兩者實力差距大家心知肚明，加上客軍波圖已經無失分空間，他們此行志在必得。

波圖呢排都可算相當閉翳，近4仗各項賽事竟然輸足3場，球隊亦在葡萄牙聯賽盃第二階段分組賽吞蛋出局，如此慘況對於葡萄牙國內霸主波圖而言可謂極為罕見。其中賽程算得上成績咁曳的最大元兇，計埋今鋪揮軍伊斯托里爾，波圖近7場各項賽事踢足6場作客，體力消耗可想而知。不過對於過去兩季都無緣聯賽鍢说牟▓D而言，球隊目前19輪過後已經落後一哥士砵亭5分，毫無失分空間。加上今仗對手伊斯托里爾亦恐怕好難給予客軍太大考驗，皆因他們自上年10月頭至今聯賽僅贏2場，而且手下敗將比蘭倫斯(22分)及摩里倫斯(20分)目前聯賽積分相加亦未及波圖，含金量有幾高大家心照。

睇返目前澳彩亞洲讓球盤，波圖客讓一球/球半的盤口就相當值得懷疑。首先波圖呢排進攻火力已經相當疲軟，射手阿布巴卡等攻擊手急需重拾狀態；同時球隊最近兩仗勝利均是1球上落，加上伊斯托里爾在最近兩次面對波圖受讓一球/球半的盤口時皆順利贏盤。以波圖之球員質素及戰意，今鋪贏波理應問題不大，但贏波輸盤確實不得不防。