維迪斯主場「施」法在望

中場卡薩舒維尼(左)是維迪斯的進攻保證。

今個禮拜中歐洲各國都紛紛展開國內盃賽爭奪，相反荷蘭則有所唔同，荷甲賽事在本週可謂日日陪伴大家。而在禮拜四凌晨就有數場好戲上演，其中1場中上游對碰將是維迪斯主迎施禾尼。 

 

其實維迪斯及施禾尼今季表現確實相當接近，遠睇前者目前排名聯賽第六，後者則排第八；近睇維迪斯近7輪聯賽斬獲11分，而施禾尼則收穫10分。就算再比較一下雙方班底，老實講同樣屬於實用有餘而星味不足，雖然大家都算得上全民皆兵，但真正具威脅的仍是彼此的頭號殺手卡薩舒維尼和韋迪維積克，二人的較量亦是今仗為數不多的看點之一。 

 

可能大家會覺得，雙方咁接近，1場和局在所難免，但荷甲賽事一向變幻莫測，而最為特別的就是大家都往往踢得較為進取，就以今仗對陣雙方為例，兩隊過去6次各項賽事交手僅出現1場和局，而且其中有5場全場入球總數達3球或以上。同時維迪斯及施禾尼今季同樣秉承荷甲優良進攻傳統，聯賽至今總入球數均有30+，一場入波盛宴可謂上演在即。而更加需要留意的是，施禾尼近4仗非主場賽事一勝難求，相反主隊維迪斯聯賽主場9戰取6勝，對比鮮明。今鋪一於追一手主隊標盤及上盤，幫補下置辦年貨話咁易。