墨爾本城鬥珀斯光輝有和味

墨爾本城射手科拿路利(左)近期無態。

呢排筆者對於澳洲波相當大癮，係禮拜五下午又有1場賽事推介，對陣雙方分別為主隊墨爾本城和珀斯光輝。兩隊近期表現均缺乏亮點，悶戰成和簡直眾望所歸，目前澳彩標準盤和局有3.8的高倍率，重鎚追返注簡直係不二之選。

單論場波，看點確實難尋，主隊墨爾本城開季至今彷彿開車遭遇起伏路，戰績始終勝和負不斷輪回，陣中亦缺乏星級戰將帶路，稍具威脅的射手科拿路利近期又明顯無態；客軍珀斯光輝都唔好得幾多，開咧至今就威過一場，近期更加連續3輪不勝兼且遭遇零封。聯賽作客至今亦不知勝利及和波為何物，相當淒涼。

睇返個亞洲讓球盤，墨爾本城目前硬讓珀斯光輝半球/一球，水位亦只有1.86，明顯更被外界看好。但其實墨爾本城上一次遭遇珀斯光輝時贏盤已經要追溯至上年二月份，實在無法予人信心。依在下愚見，一注標準盤和局，一注珀斯光輝亞盤，「肥仔」過週末問題不大。