拿玻里望洗劫AC

拿玻里前鋒希古恩煥發生涯第二春。

週一凌晨，意甲第七輪繼續展開爭奪，其中一場焦點戰由AC米蘭主場迎戰拿玻里。兩隊近6次交手，AC僅僅取得其中一場勝利。近年強勢崛起噶拿玻里逐漸將AC在意甲四強噶位置霸走，幾乎每次對陣AC，拿玻里似乎都有足夠噶把握能夠擊敗這支近幾年急轉直下噶豪門。即使今次坐鎮聖西路球場，AC恐怕難擋剋星拿玻里搶分之旅。

AC目前積9分排在聯賽積分榜第十一位，其表現不溫不火。上一輪聯賽負於熱拿亞，值得一提噶係熱拿亞係聯賽裡面為數不多攻擊力最差隊伍，賽季至今僅射入3波，可見AC曾經引以為傲噶防守如今變得不知所謂。而且攻擊線方面亦唔見有太多建樹，僅靠前鋒卡路士巴卡噶努力根本難以撐起AC進攻大旗。陣容方面，後衛羅麥路尼上一輪對陣熱拿亞染紅，今仗罰坐波監。

雖然拿玻里目前聯賽積分同為9分，而其以微弱優勢暫時領先AC排第十位，但拿玻里卻有著完全不一樣的趨勢。拿玻里近6場各項賽事取得4勝2和保持穩定發揮，在歐戰賽場更係大開殺戒，歐霸盃分組賽分別擊敗布魯日和歷基亞合共射入7波，全隊上下士氣高昂。值得一提噶係，聯賽裡面的兩支豪門拉素和祖雲達斯都先後成為拿玻里腳下亡魂。拿玻里今季噶進攻火力相當兇猛，其均場2個入波屬於聯賽一流行列，前鋒希古恩聯賽至今射入5波，是拿玻里致勝法寶。綜觀拿波里近年和AC交手贏多輸少，此番出征有望滿載而歸。