恆大致「富」有方

昔日世界級前鋒羅賓奴在恆大漸入佳境。

週一晚上，中超第二十六輪繼續好戲上演，廣州富力主場迎戰同市「大佬」廣州恆大，到底係富力為佐保組而全力狙擊恆大，定係恆大為佐成功衛冕冠軍而全力搏殺富力，不妨拭目以待？

往年，恆大和富力兩家球會經常上演「狗咬狗骨」的大戰，雖然兩家球會存在直接競爭關係，但係關鍵時刻會選擇同仇敵愾，係恆大需要掃清奪冠對手的障礙時，富力必將全力以赴，拖延恆大主要的競爭對手，而當富力需要爭奪亞冠資格時，恆大同樣幫到盡，全力剷除富力的眼中釘。今年的富力，令好多人跌曬眼鏡，賽季初仲有資格征戰亞冠賽場，與恆大、北京國安及山東魯能泰山齊名中超「四條煙」，如今，富力卻已淪落到保組球隊，正為保組苦苦掙扎。「富力今年的主場戰績實在令人不解。」這是多數關注富力的人發出的心聲。富力今年聯賽已經征戰12個主場，成績是可憐的3勝4和5負，排名倒數第三。而上賽季，富力的主場成績排名第四，主場入球數更是冠絕中超。從舊年的順數第四到如今的倒數第三，如此巨大的落差，與前任主帥艾歷臣離任以及球會在一個賽季內兩次換帥有關。富力如今無限接近保組區，隨時都有可能降入中甲。萬一真係降班，富力的名聲將大受影響。但同樣恆大都係輸唔起今場比賽，富力只能自求多福了。

相反，恆大今年作客戰績暫時冠絕中超，9勝1和1負實在令人聞風喪膽。以富力今時今日主場戰績來睇，對抗恆大揮軍之「戰無不勝」態勢，大有以卵擊石的味道。自從5月份在亞冠賽場不敵城南FC之後，恆大再未嚐試過輸波的苦澀味，成績相當驕人。而近期值得高興噶係，幾位外援都升華佐競技狀態，在作客上港的比賽，「巴西三叉戟」羅賓奴、高拉特以及艾傑臣分別前後建功，將「森巴足球」精髓發揮到淋漓盡致。尤其是羅賓奴，這位昔日世界級巨星逐漸在恆大展示出其應有身價，越來越受到主帥史高拿利重用。由於目前處於爭冠的重要階段，今仗揮軍已經淪為人見人欺的富力，恆大勝利在望。