狼堡力爭撕碎哈化柏林

狼堡新援中場達斯拿(左)發揮驚艷。

週六晚上，德甲第五輪聯賽繼續展開角逐，其中一場由沃爾夫斯堡主場迎戰哈化柏林。雙方近6次交鋒，狼堡贏佐4次，可以話係佔據壓倒性優勢。不過雙方近期整體都有不俗表現，尤其是狼堡，剛剛在歐冠分組賽擊敗俄超勁旅莫斯科中央陸軍，士氣大振。是役狼堡坐鎮主場，想係積分榜上再添3分成數較高。

在經歷了迪布尼離隊的陣痛後，狼堡引入了德國國腳達斯拿，這位新援僅僅用了兩場比賽就已經融入球隊。上一仗在對陣莫斯科中央陸軍時射入全場唯一入球，演出驚艷之際又為球隊帶來勝利，無疑為球隊以及球迷打了一支強心針。另外上賽季隊內神射手巴斯度斯依然在陣中，但今季聯賽至今暫時入得兩球，很明顯他還未發揮出水準，今仗他的發揮值得期待。狼堡整體實力方面無須多講，由於訪客是實力不及狼堡的哈化柏林，狼堡今仗全取3分難度不大。陣容方面，門將卡斯迪爾斯、後衛菲臘比盧比斯以及中場韋連拿皆因傷缺陣。

對於一支實力平庸的球隊來講，4場比賽之後取得2勝1和1負，對比起上賽季德甲「三哥」慕遜加柏開季4戰全敗，哈化柏林發揮還是亮眼得多。不過困擾住哈化柏林最大的問題就係隊伍目前可以用「傷兵滿營」來形容其慘況。後衛比卡尼克和約翰布魯克斯受傷焗住中場韋沙上一仗客串後衛。中場方面H.隆尼、F.高赫斯和賓哈迪拉高掛免戰牌。而攻擊線方面，前鋒艾拿古爾以及比蘭斯皆無法為球隊提供火力。領隊達戴爾最近真係好頭痕，球隊目前健康人數加埋先勉強才排出一套大名單，巧婦難為無米之炊，加上過去火併狼堡多數係以輸波收場，今仗又係要打一支狀態正佳的狼堡，哈化柏林睇怕都難以全身而退。